Heimsókn Forseta Íslands til Haustaks.
Miðvikudaginn 21. mars 2012 heimsótti forseti Íslands Hr. Ólafur Ragnar Grímsson vinnslu Haustaks á Reykjanesi.
Forsetinn skoðaði framleiðsluferlið hjá Haustak ásamt því að fræðast um þurrkferlið í heild sinni og sjá hvernig Haustak nýtir græna orku (þ.e. gufu) við þurrkun á fiskafurðum.
Einnig sá forsetinn margar tækninýjungar sem hafa rutt sér til rúms við fiskþurrkun á þessum stutta tíma sem liðið hefur síðan hann sjálfur sem ungur drengur vann við að hengja skreið á hjalla.
Starfsfólk Haustaks þakkar Hr. Ólafi kærlega fyrir heimsóknina.
